ИСТОРИЈАТ
Агенцијата за администрација како државен орган е основана како Агенција за државни службеници во 2000 година со донесувањето на Законот за државните службеници. Овој закон беше дел од пакетот реформски закони кои ги донесе тогашното Собрание на Република Македонија, како предуслов за остварување на целите дефинирани во Стратегијата за реформа на јавната администрација донесена во 1999 година.
На 29 август 2000 година со назначување на првиот директор, започна со работа Агенцијата за државни службеници, како орган на државната управа. За кратко време, поточно во 2001 година, статусно се трансформираше во самостоен државен орган, каков што е и денес. Под тој назив, Агенцијата за државни службеници постоеше сѐ до крајот на 2010 година, а од јануари 2011 година продолжи да работи како Агенција за администрација, со надлежности утврдени во Законот за државните службеници и Законот за јавните службеници.
На 05.02.2014 година се донесе Законот за административни службеници и со започнувањето на неговата примена (13.02.2015 година) престанаа да важат Законот за државните службеници и Законот за јавните службеници. Со Законот за административни службеници се утврди правниот статус на Агенцијата за администрација и нејзините надлежности.